ESKI ETA SNOW 2024 BAQUEIRA ETA SIERRA NEVADA

Eski eta snow denboraldi hau ez da oso erregularra izan, elur-eskasia gehiagotan izan baita ugaritasuna baino. Etxeko lanak eginda eta elur-kanoietan inbertsioak prest zituzten estazioek denboraldia salbatu ahal izan dute snow-maker trebeei esker, denboraldi honetan ikasi dugun beste hitz bat, elurgile edo ez dagoen lekuan elurra sortzeko magia egiten duten adituei buruzkoa. Hori izan da, nola ez, Baqueiraren kasua, beste aukerarik gabe zeuden Pirinioetako eskiatzaile guztien irrika bizia asebete duena.

Beste urte batez, DADek Deia egin die eskia eta snowa maite dituzten lankide eta adiskide guztiei. Aukeratutako data ezin egokiagoa izan da: elurrezko estalki mugagabe bat, ia zapaldu gabea, hori zen errealitatea, rock & rolla agintzen zuen parte meteorologiko bat ikusi ondoren. Batzuetan baldintza deserosoak baziren ere, ez zuten asko irauten, eta kafe soil bat hartzeko denborak aukera ematen zuen Ama Naturak jarri berri zuen elurrarekin pistetara itzultzeko, eta horrek ederki konpentsatzen zuen. Hotelean, txantxak egin genituen eguneko soinu-banda Vivaldiren lau urtaroak zirela esanez (negua udaberria baino gehiago, egia esateko). Azken finean, gure kirol gogokoenaren saio harrigarri batez gozatu ahal izan genuen DADeko adoretsuok.

Aurtengo beste proposamena Sierra Nevadako urrutiko estazioan ibiltzea izan da. Azpimarragarriena eskiatzaileak “lehorrean” mantendu zituen denboralea izan zen, denak leihotik begira, baina oskarbitu zuen eguna Sierra Nevadako historian azken 10 urteotako unerik onenetako bat izango da. Horren erakusgarri GPS track bat dugu 63 kilometro baino gehiago eskiatuta egun bakar batean…

Oraingo honetan guztira 34 lagun elkartzea lortu dugu, baina DADeko eski atalean askoz ere anbiziotsuagoak gara eta lankide guztiak animatu nahi ditugu parte hartzera eta jarduera zoragarri honetaz gozatzera; beraz, adi egon datorren denboraldirako!!

Antolatzailearen eta bi laguntzaileen agur bero bat.